انا عارف الكلام ده فى ناس هتاخد بيه وناس هطنش بس عموما من باب النصح

سيادتك عاوز تعمل سيرفر وتاكل منه عيش صح طب بالله عليك قولى ازاى وانت مش فاهم بربع جنيه برمجة اتحداك سيرفرات يقعد اكتر من شهرين بالكتير وهيقفل دا لو وصل اصلا

انا واحد من الناس اللى عملت سيرفر شهر بالكتير وقفلته بسبب الهاكات وانى مش عارف اتعامل معاها دى نقطة النطقة التانيه كنت عارف قشور بسيطة فى السى شارب

طب والحل يعنى هتفضلو تدورو على سورس فيكسد ابقى تعال قابلنى لو لقيت ولو عشت عمرك كله مش هتلاقى

اغلب السيرفرات التو دى دلوقتى شغاله باليكس وشغال بسورس بندا اللى معكوك عك السنين

وال3دى شغال باليكس دلوقت الا من رحم

المطلوب من سيادتك عشان تعرف تعمل سيرفر وتطور فيه سواء هترفعه فرجنات او هتحط فيه مجرد افكار تميزك عن العك اللى احنا بنشوفه

1- اتعلم اساسيات البرمجة بالسى شارب عندك مصادر كتير اللى ترتاحله وتفهم منه افضل معاه وكمل للاخر ولازم تتعلم مهارات problem solving
2- اثبت على سورس واحد لو نزل انضف من اللى موجود اثبت على سورس واحد ايوه سيادتك كل اما تدور على الاحسن ابقى قابلنى لو نفعت واكبر دليل على الثبات دلوقت بص على سيرفر البوشى شغال بسورس فى الاصل كان قديم ومخرم مشاكل وصلحه وطور فيه ووصل للى وصله
3- لازم سيادتك تتعلم يعنى ايه threading
4- لازم تتعلم شوية عن ال networking عشان تعرف الكلينت والسورس بيتواصلو ازاى
5- لازم تعمل ازاى تجيب باكت وتحلله لو انت ناوى تتطور من السورس اللى معاك
6- بالاضافه لنقطة رقم 3 لازم تتعلم يعنى ايه memory management
7- وطبعا لازم تتعلم SQL
8-حاول تفهم السورس اللى سيادتك شغال بيه ماشى ازاى لازم تعرف كل function بتعمل ايه وتكتب كومنت على الفنكشن دى عشان متنساش

كل ده وانا عارف اكيد انى ناسى حاجه لان لو فى حد فى حاسبات هيبقى فاهم عنى وايه المفروض يتاخد فى الحسبان اما تيجى تبرمج برنامج

حاجه كمان بعد كل ده لو اتعلمت فعلا صح هتبعد عن كونكر وهتبتدى تفكر فى مجال غير كونكر لو اتعلمت برمجة صح انما لو انت غاوى العاب ده طريقك وانت حر فيه لان ده اللى شايف انك هتبدع فيه

ولو على الفلوس فى كذا حاجه تجيب فلوس غير كونكر اخرك هتشغل سيرفر ومسيرك الناس هتسبة وتروح غيره لانها بتبقى فترة بس ووقت اما الانسان بيمل منها بيسبها

انا واحد من الناس اللى نفسى افتح سيرفر بس الواحد لسه بيتعلم وعارف انه لو مش فاهم يبقى ملهاش لازمه من البداية